[感性MAMA Mode is ON ，長文慎入]
平時如果食飽、瞓飽、換好片
薯B基本上都可以自己喺圍欄入面
玩ard半個鐘之後就會要人陪佢
我通常都會入咗廚房整野食、處理其他家務
或者喺房瞓吓
一來係buy time休息/處理其他嘢
二來係想薯B獨立啲
今晚食完飯
又放咗薯B入圍欄玩
而我就坐咗喺餐檯望住佢
忽然發覺原來好少從呢個角度觀察佢
平日已經離開咗現場處理其他嘢
佢不停玩Piles Cup
逐個疊起 跌咗又再疊過
然後每疊到一層都好開心
開心唔係因為有人讚佢做到
係佢好開心自己完成到
平日我入埋圍欄同佢玩
反而佢一疊唔到就會放棄
又玩過第二樣玩具
同埋我總係會順住次序由大到細同佢疊
但原來佢自己玩
唔一定順size都一樣可以疊到
反而好多時可能係大人框住咗
小朋友去explore件玩具
之前仲覺得
點解教咗咁耐佢都唔識
原來只係我無去放手/留意
薯B已經慢慢大個仔了😭
而且每個小朋友都真係有自己成長嘅節奏、喜好
大人所「教」嘅嘢 佢哋未必好快做得返
但不停觀察吸收
佢哋真係會記得🥰
其實呢啲都係蒙特梭利教育理念有提到
真係好好 好work
有無行緊呢套嘅BAMAs可以交流吓👍🏻
Search